حاجة علي الماشي...

صباح الخير ... مساء الخير حسب التوقيت المحلي لحضراتكم ... بالنسبة ليَّ الان فأنا بعد الظهر وداخله تقريباً كده والله اعلم علي العصاري .

وحشتوني قوي قوي قوي بقالي زمان مدونتش ... كنت بفكر اكتب كتاب سيرتي الذاتية بعيد مش عارفه قلت ليه معملهوش مدونة احسن؟؟ اهو اول باول الاخبار تنزل طازه بس فضلت متنحه طيب اكتب ايه؟؟ او اصلا اتكلم عن ايه؟؟ لقيت نفسي بشوف بسمة صحبتي الانتيم بين عينيه وهي بتقولي " احكي يا ضنايه في ايه؟؟" ضناكي مطحووووووون آبسمة.. من فترة كده روحت علي اذاعة هنا طالبين مذيعة مصرية وبما اني اكتر واحدة بتعرف تتكلم مصري كويس روحت الانترفيو وكلي ثقة واعدت اتكلم معاها عن رحلتي مع الايام في الاردن وكانت لطيفه فات يوم واتنين وتلاته وايز امبارح يجيلي تليفون من صديق ليَّ يقولي انتي محتاجة الشغلانة دي تقومي تروحي رافعه مناخيرك عليها؟؟ قلت له وانا ببرق في سندوتش الخس بتاعي مين دي اللي رافعه مناخيري عليها؟؟ قالي انتي !! ال ايه البنت اللي عملت معايا الانترفيو اللي هي المديرة قالت اني كنت شايفه نفسي ومغرورة ومتكبرة وبينت ليها ان انا مش محتاجة الشغل انا بصراحة اتخضيت ونترت من ايدي سندوتش الخس بتاعتي وطلعت بالشبشب البلاستيك بتاعي المعفن في المطره ودمي بيفور في راسي من كتر ما كان فيَّ نار لو كنت حاطيت كنكت قهوة كانت غليت يا جدع ولا عملت طبخه من كتر الغلايان اللي انا فيه ... دخلت علي الخمارة اللي في وش البيت ماهي دي اقرب حاجة لبيتنا يعني خمارة وسوبر ماركت علي قد حالة في نفس ذات الوقت ... وفي وسط الخمارة بسأل صحبتها الا لو سمحتي فين الشيبسي العائلي؟؟ دخلت علي اكياس الشيبسي اخدت اللي فيه النصيب ولقتها بتقولي كل دي ماازه؟؟ قلت ليها لاء دا تطليع غيل بس يا اختي وطبعا الاخر دا علي التليفون عمال يعيد ويزيد ان انا كنت تنكه ومغرورة وشايفه نفسي مشيت بالشيبش البلاسكت تحت ام المطره وانا بفكر في البيت عديلة وهي بتغني والع في ام المطره اهو انا كنت كده بالضبط بصراحة ودخلت علي المخبز خمس ترغفه كبار وروحت علي الخون بتاعي وافتح كل اكياس الشيبسي دي ومحستش بنفسي الا وانا بخلص الرغيف الخامس وبطني دي بتتفرتك من الالم وهو علي التليفون يقولي مش مصدق انك تعملي كده؟؟ هو قالي البوقين دول ولقيت نفسي بصرخ بعلو صوتي ياااااااااااااااااااااااااااااااالهوي انت هاتجنيني يااااااااااض بقولك محصلش محصلللللللشي ماهو لو حصل هاخبيه ليه؟؟ 

طيب هي مش عايزة تشغلني شيفاني مش كوفئ تقول قالي لاء ماهو مش هو دا بس السبب الوحيد اللي مش هايخليها توظفك خير اشجيني ... هما طالبين جنسية مصرية!! ... طب فين المشكلة؟؟ انتي اردنية لاول مره اتنح تتنيحت مومبه لما مبيفهمش كلام تيمون ... تنحت تتنيحت ابو الهول لما الفرنسوين دخلوا مصر وشافوه متبسم قالوا دا مبسوط وميعفروش انه صنم.

طيب يعني يا ربي الشغلانة اللي تنفع معايا لاني بتكلم مصري حلو بما ان الاردني بتاعي فات عليه قطار الصعيد سيتلاف مره وهرسه وعجنه لما شبع اقوم متوظفش عشان الجنسية؟! تباً تبااااااااً حقاً تباً لك من مخادع.

بس الاجمل دا كله بقي صحبتي في السكن لقتها اول امبارح بعتاالي مسج بتقولي انها مبسوطة ان احنا اصحاب واخوات وان احنا سكنين مع بعض والليلة اللي قبل منها قالت عني عصاميه حسيت بفخر شديد قوي قوي لما قالت لي كده وان انا بديها دفعه دائماً الي الامام والحمد لله ... بصراحة بقالي زمن مسمعتش كلمتين حلوين زاي كده.

الليلة دي روحت البيت طبعا وانا في شئ في نفسي بصراحة مش قدره اعبر بالحروف او الكلام دخلت البيت الفاضي وفضلت اقول اي حاجة عشان اسمع صدي الصوت بس ولاول مره اكتشف ان الفراغ بيعمل عمايل يا جدع فهمت ان الحذر ميجيش حاجة جمب الفراغ والمنحني التاريخي اللي انا ومصر داخلين عليها.

اكتشفت ان انا ممكن ابحلق في السقف لمدة 3 ساعات في صمت ... اكتشفت ان انا ممكن اسمع صوت الحشرات اللي في الجنينة اللي مفيهاش غير شجرة ليمون واحده. 

اكتشفت ان انا من كنت الفراغ طول الليل كنت بتذكر اي حاجة اي حاجة اااااااي حاااااااااجة ااااااااااااااااااااااااي حااااااااااااااااااااااااااااااااااجة بصراحة واضحك عليها ومعرفش ليه جيه في بالي احمد سبايدر وعكاشة علي اخر الليل واضحك بقي بس ايه اللي ضحكني بصراحة مش عارفه.